Ander

Txosten edo hausnarketa hau Irakasle Funtzioa irakasgaian izan ditudan esperientziei buruz egingo dut. Hasieratik irakasgai hau ez da besteak bezain teorikoak, lehenengo astetik oso praktikoa izan da, teknologia berriak baliatuz guk hausnartzeko. Kurtso hasieran bertan berehala hasi ginen lehenengo hausnarketekin, ea zergatik geunden hemen, eta "Etre et avoir" pelikulari buruzko hausnarketekin. Geroztik, bide berdinetik jarraitu izan dugu, hau da, klase teorikorik gabe eta hausnarketen bitartez, ikasten jarraitu dugu.

Hausnarketak alde batera utzita, irakasgai hau eman digun ikasteko aukera polit bat Aranbizkarra ikastolara edo beste ikastola batzuetara joateko aukera izan da. Karrera hasieratik umeekin kontaktua izateko aukera asko eskertzen da, batez ere hemen gaudenok umeekin egotea eta hauei irakastea gustuko dugulako. Horregatik eskergarria irakasgai honek eskaini digun aukera polit hau, praktikaren bitartez ikasteko.

                                                                                            

Lehen aipatu dudan bezala, irakasgai hau hausnarketetan oinarritu da batez ere. Hausnarketei dagokienez, uste dut gero eta kritikoagoa izan naizela hausnargai ezberdinekin, hasieran nire iritzia ez nuelako behar bezain beste islatzen. Orain aldiz uste dut kritikoagoa naizela, halere, esan beharra daukat kritika maila igo dezakedala, oraindik ez bait naiz behar bezain beste "bustitzen" dagokion gaiekin. Hausnarketak batez ere Bloggean islatu ditugu, naiz eta hasieran Blogg bat kudeatu behar genuela jakiterakoan ez zidan graziarik egin. Dena dela orain trukua harrapatu diodala uste dut eta ez naiz gehiegi kexatzen. Hasieratik baita Diigon kontu bat sortu behar izan genuen, honekin oraindik ez nago ados. Bere erabilera ulertu dezaket, baliagarria izan daitekeelako aurkitu duzun informazioa gordetzeko eta beste batzuekin konpartitzeko, baina batzuetan behartuegia sentitzen naiz interneten edozein gairi buruz informazioa bilatzeko eta Diigon eskegitzeko, eta uste dut jende askok sentsazio berdina daukala.

Amaitzeko, konklusio gisa esan dezaket irakasgai honetan izandako esperientzia positiboa izan dela, naiz eta batzuetan teknologia berriak menderatzera pixkat behartu gaituzte arlo horretan trebeak ez garenoi. Nire garapena ona izan dela uste dut, naiz eta lehen esan dudan moduan zertxobait hobetu zitekeen. Orokorki, irakasgai honek bakoitza bere nortasunaren araberako lanak eta hausnarketak egiteko aukera eman digu, ez zegoelako teoria esplizitu bat lanetan sartzeko, eta lanak egiterako orduan ez zegoelako inolako gidarik, hau da bakoitzak bere nahien arabera egin behar zituen.