Josu

                 Txosten hau lehengo hiru hilabete hauetan irakasle funtzioan izandako iritziei erreparatuz egingo dut.  Lehen Hezkuntzarako prestatzen ari garen gehienok argi geneukan hasieratik haurrak gustuko genituela eta irakasle izatearen aurreiritzi bat genuen,  baina gehienetan aurreiritziek egia esanda ez dute ezertarako balio. Normalean lanbide bat ikasteko eta ulertzeko ez da beharrezkoa klasean sekulako txapak entzutea baizik eta jarduera praktikoen bidez ikastea. Horregatik uste dut klaseko gehienok asko eskertzen dugula ikasgai honen bidez izan dugun aukera bai aranbizkarrara bai escolapiasetara joateko. Ikastetxe horietara joatean lehen aldiz eman nien klasea haurrei eta talde txikiak baziren ere irakasle sentitu nintzen eta haien kezkak sentitu nituen momentu horietan. Izan ere esan behar dut esperientzia oso positiboa izan dela bokazioarekin topatzeko erabilgarria, argi daukadalako badagoela jendea praktikak beranduago egitean bokaziorik ez duela sentituko duela eta sekulako kolpe handia hartuko dute.

                Klasean emandakoari erreparatuz esan behar dut era positiboan harritu nautela erabilitako metodologia, jarduera teoriko gutxi egiten baitira eta bakoitzaren iritzia sustatzen baita. Hausnarketa asko egiten ditugu eta taldean lan egitean guztiok ideiak partekatzen ditugu, oso erabilgarria iruditzen zait metodologia hau ikuspuntu desberdinak izateko. Kexak egon arren bideoen erabilera noizbehinka egitea ondo iruditzen zait ikusiz ere ikasi daitekeelako klase teorikoetan baino askoz gehiago, gure arreta handiagoa izaten delako bideoekin eta entretenigarriagoa izaten delako.

                Nire progresioari dagokionez hasieran egindako hausnarketak orain egiten ditudanak baino kaxkarragoak ziren, hasieran ahalik eta informazio gehien jartzearekin konforme egoten bainintzen. “Etre et avoir” filmaren hausnarketan ateratako nota adibidez ez zen oso ona izan ez nituelako ideia garrantzitsuenak ondo harrapatu.  Orain ideia nagusiak jartzen eta azaltzen ahalegintzen naiz eta nire doinua gero eta kritikoagoa dela iruditzen zait

                Ikasgai honetan teknologien erabilerari garrantzi samarra ematen zaio, nik ez daukat inolako gaitzespenik horregatik aurretik ezagutzak nituelako eta nahiko ondo moldatzen naizelako, baina badakit klasekide batzuk zailtasunak eta arazoak izan dituztela teknologiekin ez zirelako oso lagun. Hala ere ondo iruditzen zait ikasleei haiek erabiltzen irakastea, lan egiteko beste era interesgarria iruditzen zaidalako. Blogari dagokionez hasieratik nahiko lan ona egiten ari dudala iruditzen zait eta ahalik eta hoberen egiten ahalegindu naiz. Bestalde Diigori ez diot ia inolako erabilgarritasunik eman, hala ere badakit guztiok bertan parte hartzen badugu informazio iturri desberdinak erraztuko dizkiogula elkarri. Ebaluatzeko orduan blogari garrantzia ematea irudituko litzaidake bidezkoena nire taldekideak eta ni errubrikan azaldu dugun bezala, blogaren erabilera sustatu baitugu.

                Lehen esandakoarekin bat eginez egiten dudan balantzea positiboa da, garapen egokia izaten ari dudala iruditzen zaidalako eta modu on batean ikasten ari dudala uste dudalako behintzat.